Մոսկվայում ավարտվեց շախմատի «Aeroflot Open» միջազգային խոշոր մրցաշարը, որին մասնակցում էին նաեւ Հայաստանի ներկայացուցիչները:
Գերազանց հանդես եկավ «B» խմբում ընդգրկված միջազգային վարպետ Վահե Բաղդասարյանը (նկարում), որը եւս հինգ հոգու հետ ինը հնարավորից վաստակելով 6,5 միավոր՝ լրացուցիչ գործակիցներով ճանաչվեց հաղթող: Գրոսմայստեր Տիգրան Քոթանջյանը ամփոփիչ մրցաշարային աղյուսակում նույնքան միավորով եզրափակեց լավագույն վեցյակը:
«C» խմբում շատ հաջող էին Արթուր Ղարագյոզյանի մրցելույթները: Պայքարի ավարտին այստեղ էլ մի ամբողջ խումբ՝ յոթ շախմատիստներ, վաստակեցին 6,5 միավոր եւ կրկին լրացուցիչ գործակիցներով հայաստանցի շախմատիստն ի վերջո հանգրվանեց չորրորդ հորիզոնականում:
Աշոտ ՀԱԿՈԲՅԱՆ
Կարդացեք նաև
Լուսանկարը՝ chessded.am-ի
