Երեւանում հին ճարտարապետական գեղեցիկ շենքերը քանդելով, տեղում նորակառույց կառուցելով՝ ճարտարապետական շենքերի ճակատային մասը նորից հավաքելով, երեւանցիների կարծիքով՝ հնությունը պահպանել չէ:
«Իմ մասնագիտական կարծիքով՝ սա երկերեսանիություն է, որ իբր թե ինչ-որ բան ենք պահպանում, բայց այդ պահպանածը որեւէ արժեք այլեւս չունի»,- մեզ հետ զրույցում ասում է ճարտարապետ Սաշուր Քալաշյանը: Նրա նշած՝ երկերեսանիության մի օրինակ է Աբովյան 3 հասցեում կառուցվող՝ լուսանկարում պատկերված շենքը, որի առաջամասում հին ճարտարապետական շենքի «ֆասադը» նորից հավաքվել է, բայց այն ստվերվում է շենքի ընդհանուր տեսքից:
«Ընդամենը մի հատ նկարչություն, դիզայն է դառնում շենքի ճակատի վրա: Կարծես թե սպանված աղավնիներ լինեն, այդ շենքերը մեռած են, ուղղակի որպես դիակ պահում են»,- ասում է ճարտարապետը:
Մի քանի զբոսաշրջիկներ էլ մեզ ասացին, որ այդ շենքից հնության «հոտ» չեն առնում:
Կարդացեք նաև
Լուսանկարը՝
ՆԵԼԼԻ ԲԱԲԱՅԱՆԻ
«Առավոտ» օրաթերթ
22.03.2015
