Եկամտահարկի» եւ «Շահութահարկի» մասին օրենքներում փոփոխություններ եւ լրացումներ կատարելու մասին նախագծի մասին այսօր կառավարության նիստին ՀՀ վարչապետ Հովիկ Աբրահամյանն ասել է, որ այն պատգամավորների կողմից ճիշտ չի ընկալվել: «Բայց ես ուզում եմ բեռը վերցնել մեզ վրա, պետք է այնպես ճիշտ ու թափանցիկ ներկայացնենք օրինագծերը, որ պատգամավորներն ընկալեն»,-նիստին նշել է վարչապետը:
Այսօր կառավարության նիստի ավարտից հետո լրագրողները ֆինանսների փոխնախարար Արմեն Ալավերդյանից փորձեցին հստակեցնել նախագծի դրական կողմերը, եւ ճշտել թե հատկապես ինչն են թերի ընկալել պատգամավորները:
Արմեն Ալավերդյանը խուսափեց խոսել լրագրողների հետ, որոնք նույնիսկ փորձեցին ճանապարհը կտրել, փակել Ալավերդյանի, սակայն նա հորդորեց դիմել այն պատասխանատուին, որը, իր խոսքերով ասած՝ լիազորված է խոսել այդ մասին. «Մեր մյուս փոխնախարարին դիմեք, ես լիազորված չեմ խոսել»:
Հետաքրքրվեցինք՝ գուցե ի՞նքն էլ չի լավ ընկալել իրենց նախագիծը, այդ պատճառով է խուսափում պատասխանել, սակայն Ալավերդյանն անդրդվելի էր. Ոչ մի պատասխան չտվեց:
Կարդացեք նաև
Նելլի ԲԱԲԱՅԱՆ
