Կենտրոն եւ Նորք-Մարաշ վարչական շրջանների ընդհանուր իրավասության դատարանում հունիսի 1-ին դատավոր Գագիկ Պողոսյանի նախագահությամբ շարունակվում էր «Վերնիսաժի գործի» քննությունը:
Պաշտպան Արայիկ Ալվանդյանը միջնորդություն էր ներկայացրել ամբաստանյալ Վալերիկ Հովհաննիսյանի նկատմամբ նշանակված խափանման միջոց կալանքը փոխարինել գրավով: Քիչ առաջ դատավոր Գագիկ Պողոսյանը դուրս եկավ խորհրդակցական սենյակից եւ հայտարարեց, որ որոշում է կայացրել մերժել միջնորդությունը:
Դատարանի դահլիճում ներկա էր նաեւ ամբաստանյալի մայրը, որին այսօր ավելի վաղ դատավորը դուրս էր հանել դահլիճից, լսելով դատավորի որոշումը նա բացականչեց. «Գոռինը շուտ-շուտ ընդունում եք, Վալերիկինը ինչի՞ համար եք մերժում»:
Գագիկ Պողոսյանը կարգադրեց Վալերիկ Հովհաննիսյանի մորը դուրս հանել դահլիճից եւ կարգադրիչներին հրահանգեց այլեւս նրան թույլ չտալ մասնակցել գործով դատական նիստերին:
Կարդացեք նաև
Դատական նիստը հետաձգվեց:
Ամի ՉԻՉԱԿՅԱՆ
