Արտաշատում քիչ առաջ ամփոփվեցին քաղաքապետի ընտրության արդյունքները: Ինչպես և կանխատեսվում էր՝ քաղաքապետ դարձավ միակ թեկնածուն՝ ՀՀ վարչապետ Հովիկ Աբրահամյանի որդի Արգամ Աբրահամյանը:
Aravot.am-ի հետ զրույցում թիվ 17 ընտրատարածքային ընտրական հանձնաժողովի նախագահ Արմեն Մարգարյանը քիչ առաջ տեղեկացրեց, որ Արգամ Աբրահամյանին «կողմ» է քվեարկել է ընտրությանը մասնակցած 10382 ընտրողներից 10013-ը, «դեմ»՝ 16-ը, «անվավեր»՝ 253-ը:
Ընտրողների մասնակցության ընդհանուր պատկերը 49.5 տոկոս է, ըստ տեղամասերի մասնակցության ցուցանիշները տատանվում են 40-50 տոկոսի սահմաններում:
Նշենք, որ Արտաշատի ընտրություններում դիտորդներ չէին գրանցվել և այդպես էլ ողջ օրվա ընթացքում որևէ դիտորդ չի այցելել ընտրատեղամասեր:
Կարդացեք նաև
Որոշ ընտրատեղամասերում մեր այցելության պահին որոշ խախտումներ էին ակնհայտ. ընտրողների կուտակումներ, քվեախցիկում մի քանի անձի առկայություն:
Տաթև ՀԱՐՈՒԹՅՈՒՆՅԱՆ
