Ռուսաստանի Պետդումայի ինֆորմացիոն քաղաքականության հանձնաժողովը կոչ է արել առաջին ընթերցմամբ ընդունել «մոռացության մատնելու մասին» օրինագիծը: Հանձնաժողովը մի շարք դիտողություններ ունի, որոնք կարող են նախագծի երկրորդ ընթերցումից առաջ ընդունվել: Այս մասին, ըստ «РБК»-ի, ասել է հանձնաժողովի ներկայացուցիչ Լեոնիդ Լեւինը:
Եթե փաստաթուղթն ընդունվի, քաղաքացիները կկարողանան որոնողական համակարգերից պահանջել, որպեսզի ջնջեն իրենց մասին ոչ հավաստի, հին (ավելի քան 3 տարվա) կամ «օրենքի խախտմամբ տարածված» տեղեկատվությունը: Նախագծում կա բացառություն. որոնողական համակարգերը պարտավոր չեն լինի ջնջել քաղաքացիների կողմից իրականացված հանցագործությունների մասին հղումներն այնքան ժամանակ, մինչեւ նրանց դատվածությունը չհանվի:
Մեկ այլ օրինագծով, որը ներկայացվել է մայիսի 29-ին, հղումները ջնջելու պահանջը մերժելու դեպքում, դատարանի որոշմամբ, որոնողական համակարգերին կկարողանան ստիպել տուգանք վճարել, մուծել: Այդ գումարը կազմում է 100 հազար ռուբլուց մինչեւ 3 միլիոն ռուբլի:
Նշվում է, որ քաղաքացին առանց դատարանի որոշման միայն կարող է խնդրել, որ որոնողական համակարգը հեռացնի իրենց մասին անցանկալի հղումները: Իսկ նրանց պարտադրել կարող են միայն դատարանի որոշմամբ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
