ՆԱՏՕ-ի խորհրդարանական վեհաժողովի 89-րդ «Ռոուզ-Ռոթ» սեմինարի հունիսի 19-ին տեղի ունեցած 3-րդ նիստի քննարկման թեման էր «Լեռնային Ղարաբաղ. Միջնորդության դերը»:
«Մինսկի խումբը հարթակ է, որը նույն սեղանի շուրջ է պահում կողմերին, դա փոքր նվաճում չէ: Շատ է քննադատվել Մինսկի խումբը, բայց այն, փաստորեն, միջնորդություն է կատարում բավականին դժվար լուծվող խնդրի շուրջ»,- ասաց «Կովկաս» ծրագրի գիտաշխատող Լորենս Բրուրսը:
Նա հիշեցրեց, որ 2008 թվականից հետո Հայաստանի եւ Ադրբեջանի պաշտպանության նախարարները միմյանց հետ կապ չունեն: Նա համարում է, որ կարելի է պաշտպանության նախարարների միջեւ կապը վերականգնել, կարող են բանակցություն վարել գյուղնախարարները, իսկ արտաքին գործերի նախարարները պետք է հանդիպեն ոչ միայն արտերկրում, այլ նաեւ միմյանց երկրներ այցելեն:
Անդրադառնալով Լեռնային Ղարաբաղում տեղի ունեցող ընտրություններին՝ Բրուրսն ասաց, որ ընտրությունները դատապարտող հայտարարությունները հիմնախնդրի խաղաղ կարգավորմանը չեն նպաստում: Նա հավելեց, որ Ղարաբաղի ադրբեջանական համայնքը եւս պետք է մասնակցի ընտրություններին:
Կարդացեք նաև
«Առանց այս գաղափարների Մինսկի խումբը կլինի գործընթաց առանց գործընթացի: Ճիշտ է՝ պատերազմ չի լինի, բայց այս գործընթացի հետեւանքում բացասական հետեւանքներ կարող են լինել»,- ասաց նա:
Ամի ՉԻՉԱԿՅԱՆ
