Կենտրոն և Նորք-Մարաշ մարաշ վարչական շրջանների քննչական բաժնում հարուցվել է քրեական գործ, որի շրջանակներում քննիչի կողմից որոշում է կայացվել առգրավել «Սանիտեկ» ընկերությանը պատկանող, այս պահին Բաղրամյան պողոտայում գտնվող աղբամանները: Այս մասին քիչ առաջ հայտարարեց ոստիկանության գնդապետ Արսեն Այվազյանը, որը նշեց, թե գտնվում է Բաղրամյան պողոտայում քննչական գործողություններ կատարելու նպատակով:
«Սանիտեկի» հաղորդման համաձայն՝ քրեական գործը հարուցվել է գույքը՝ դիտավորությամբ վնասելու հոդվածի հատկանիշներով:
«Մենք կոչ ենք անում քաղաքացիներին չխոչընդոտել աղբամանների առգրավմանը», – հայտարարեցին ոստիկանության ներկայացուցիչները: Ի պատասխան վանկարկեցին. «Ոչ»:
Տեղում է ԱԺ պատգամավոր Նիկոլ Փաշինյանը, որն այս կապակցությամբ հայտնեց լրագրողներին, թե խորհրդակցելու են իրավաբանների հետ:
