«Ես հույս ունեմ, որ Ղարաբաղի հակամարտության լուծման համար կա կամք, պատրաստակամություն եւ հնարավորություն: Կարծում եմ, որ դրա համար պետք է պայմաններ ստեղծել: Սակայն խոսելը հեշտ է»,- ըստ Apa.az-ի Վրաստանում ԵՄ-ին նվիրված միջոցառման ժամանակ այս հայտարարությունն արել է ԵՄ ընդլայնման եւ հարեւանության քաղաքականության հարցերով նախկին հանձնակատար Շտեֆան Ֆյուլեն:
Նա նշել է, թե որքան էլ միջնորդ երկրներն ակտիվ աշխատեն խնդրի լուծման առնչությամբ, հիմնական պատասխանատվությունը երկու երկրների քաղաքական գործիչների ուսերին է: Եթե երկու երկրների քաղաքական գործիչներն ընտրեն առճակատման լեզուն, ապա հարցը տարիներ շարունակ լուծում չի ստանա: Ես միշտ ասել եմ, որ հակամարտության կարգավորման համար Հայաստանն ու Ադրբեջանը պետք է ակտիվ աշխատանք տանեն»:
Պատրաստեց Աշոտ ԻՍՐԱԵԼՅԱՆԸ
