Մինչեւ խորհրդարանի նոր նստաշրջանը կսկսվի, գեներալ Մանվելի աշխատասենյակում շտապ վերանորոգում են իրականացնում, որ հասցնեն: Ինչ գեներալը դարձել է պատգամավոր, արդեն 2 անգամ նրա աշխատասենյակը վերանորոգվում է:
Թե որն է պատճառը, եւ ում հաշվին են այդպիսի հարմարություններ ստեղծում ՀՀԿ պատգամավորի համար՝ գեներալ Մանվելի օգնականը՝ Մեսրոպ Մանուկյանը, «Առավոտին» վստահեցրեց, որ այս անգամ ինքն անձամբ է վճարում. «Սրա հեղինակն ամբողջությամբ ես եմ: Իմ ղեկավարին տեղյակ եմ պահել, որ իմ նախաձեռնությամբ ուզում եմ սենյակը վերանորոգել, քանի որ էն տարի ջուր լցվեց, խնդիրներ ունեցանք, իմ դուրը չէր գալիս:
Խնդրեցի, թույլ տվեց, որ ամբողջությամբ ներկեմ: Ոչ ԱԺ-ի հաշվին է սա, ոչ էլ գեներալի, անձամբ՝ իմ»: Թե ինչ խնդիրներ են եղել՝ պարզվում է, որ գեներալի սենյակի պատը ճաք է տվել, ու դա օգնականին հեչ դուր չի եկել:
Լուսանկարը ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
08.09..2015
