Այսօր կառավարության նիստերի կիսադատարկ դահլիճում տնտեսական համաժողով- մրցանակաբաշխություն էր: Այդ համաժողովին ակնկալվում էր, որ բավականին մեծ թվով տեղացի գործարարներ եւ Հայաստանի կառավարության ֆինանսա-տնտեսական ոլորտի պատասխանատուներ ներկա կլինեին, սակայն այդ ոլորտից որեւէ բարձրաստիճան պաշտոնյա ներկա չէր:
Համաժողովի ժամանակ պիտի քննարկվեին, ինչպես որ նշված է կազմակերպիչների մամուլի հաղորդագրությունում, Հայաստանում ներդրումային ծրագրերի առկա հնարավորություններն ու առաջարկները, օտարերկրյա գործարարներին էլ եւս պիտի ներկայացվեին ներդրումային հնարավորությունները, դրանց բարեփոխումներն ու նոր լուծումները: Սակայն դահլիճում ավելի շատ էին ԶԼՄ ներկայացուցիչներն ու Հայաստանում օտարերկրյա դեսպանները, տեղացի գործարարներն ու պաշտոնյաները: Միջոցառմանը հրավիրված դեսպանները ներկայացնում էին իրենց երկրների տնտեսական հնարավորությունները, բիզնես միջավայրը եւ այնպիսի տեղեկատվություններ էին տրամադրում, որոնք պիտի հետաքրքրեին Հայաստանի գործարարներին եւ գործարար կապերի համար միջնորդ հանդիսացող կառավարության ներկայացուցիչներին: Մինչդեռ դեսպանները իրենց զեկույցը կարծես իրենք իրենց համար էին ներկայացնում. դահլիճում ներկա էր հազիվ 5 ձեռներեց:
Նելլի ԲԱԲԱՅԱՆ
