Ժամեր անց Ստրասբուրգում կմեկնարկի Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանը: Այն աշխատանքները կշարունակի սեպտեմբերի 28-ից մինչև հոկտեմբերի 2-ը։
Այս նստաշրջանը հատկապես թեժ է անցնելու հայաստանյան պատվիրակության համար, քանի որ տեղեկություններ կան, որ ադրբեջանցի պատվիրակները այս նստաշրջանին օգտագործելու են Ադրբեջանից ապաստան խնդրած հայ ակտիվիստ Վահան Մարտիրոսյանի արարքը հակահայ քարոզչության համար: Նաև այս նստաշրջանի ընթացքում քաղաքական և սոցիալական հանձնաժողովներում նախատեսվում են քննարկումներ խնդրահարույց Սարսանգի ջրամբարի և Լեռնային Ղարաբաղի մասին զեկույցների վերաբերյալ:
Վեհաժողովը կքննարկի նաև Եվրոպային հուզող այլ հարցեր. օրինակ` միգրացիայի և փախստականների հարցերը որպես եվրոպական երկրների համար լուրջ մարտահրավեր, կանցկացվեն մարդու իրավունքների եվրոպական դատարանի վճիռների կատարման վերաբերյալ քննարկումներ: ԵԽԽՎ-ն կընտրի նոր գլխավոր քարտուղար՝ 5 տարի ժամկետով։ Տեղի կունենա նաև Վացլավ Հավելի մրցանակի հանձնման արարողություն։
Վեհաժողովում հանդես կգա Լյուքսեմբուրգի Մեծ Դուքսը, Սերբիայի վարչապետ Ալեքսանդր Վուչիչը, Բոսնիա և Հերցեգովինայի նախարարների խորհրդի նախագահ Դենիս Զվիզդիկը։ Սեպտեմբերի 29-ի նիստում ելույթով հանդես կգա ԵԽ գլխավոր քարտուղար Թորբյորն Յագլանդը։
Կարդացեք նաև
Տաթև ՀԱՐՈՒԹՅՈՒՆՅԱՆ
