ՀՀ նախագահի աշխատակազմի, ՀՀ բնապահպանության նախարարության, ՀՀ Գեղարքունիքի մարզպետարանի եւ պատասխանատու այլ կազմակերպությունների մասնակցությամբ ՀՀ պետական բյուջեով նախատեսված ձկնապաշարների համալրման ծրագրի շրջանակներում Ձկնագետ գետի գետաբերանին, Ծովագյուղի վարչական տարածքում նոյեմբերի 27-ին Սեւանա լիճ բաց թողնվեց 389, 800 մանրաձուկ` 171 800 ,,Գեղարքունի,, եւ 218 000 ,,Ամառային իշխան,,: Մանրաձուկը ձեռք է բերվել ՀՀ պետական բյուջեի միջոցների հաշվին: ձկան բացթողնման աշխատանքներին հետեւեցին բնապահպանության նախարար Արամայիս Գրիգոյանը, Գեղարքունիքի մարզպետ Ռաֆիկ Գրիգորյանը, ,,Սեւանի իշխանի պաշարների վերականգնման եւ ձկնաբուծության զարգացման հիմնադրամ,,-ի գործադիր տնօրեն Արշակ Աղաջանյանը:
Բնապահպանության նախարարի կողմից բնապահպանական պետական տեսչությանը հանձնարարվեց` մանրաձկան բացթողնման աշխատանքներից հետո երեք օր ուժեղացնել հսկողությունը բացթողնման վայրի հարակից տարածքներում, իսկ ,,Սեւան Ազգային պարկ,,-ի աշխատակիցները մանրաձկան բացթողնման տարածքում 3 օր կկազմակերպեն շուրջօրյա հերթապահություն: ,,Գեղարքունի,, տեսակի մանրաձկների միջին քաշը կազմել է 5, իսկ ,,Ամառային բախտակ,,տեսակին` 3 գրամ:
Գեղարքունիքի մարզպետարան
