Մոսկվայի քրեական հետախուզության աշխատակիցները ձերբակալել են բանկոմատներ թալանող մի խումբ: «TASS»-ի հետ զրույցում այս մասին ասել է Ռուսաստանի ներքին գործերի նախարարության Մոսկվայի բաժնի մամուլի ծառայության պետ Անդրեյ Գալիակբերովը:
«Այս գիշեր, ժամը 04:00-ի սահմաններում, օպերատիվ միջոցառումների արդյունքում Մոսկվայի քրեական հետախուզության աշխատակիցները «Պարկ Հաուս» առեւտրի կենտրոնի տարածքում ձերբակալել են հանցավոր խումբ, որի անդամները կասկածվում են մի շարք բանկոմատներ թալանելու մեջ»,- ասել է նա:
Գալիակբերովի խոսքերով՝ Հայաստանի 5 քաղաքացիները գողացել են «Ունիկում ԲՏ-2» բանկի բանկոմատը, որը 840 հազար ռուբլի արժե: Բանկոմատում նաեւ 300 հազար ռուբլի գումար է եղել. «Կասկածյալները գողոնը դրել են «ՎԱԶ» մակնիշի մեքենան եւ ցանկացել են հեռանալ հանցագործության վայրից, սակայն նրանք ձերբակալվել են ոստիկանության աշխատակիցների կողմից»:
Այս պահին նրանց հետ անցկացվում են անհրաժեշտ օպերատիվ քննչական գործողություններ, քննարկվում է քրեական գործ հարուցելու հարցը: ՆԳՆ աշխատակիցը նաեւ ասել է, որ Հայաստանի քաղաքացիներն, նվազագույնը 3 բանկոմատներ են գողացել եւ, այդպիսով, 5 միլիոն ռուբլի գումարի վնաս են հասցրել:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
