Ադրբեջանի տնտեսությունը 2015թ. զգալի վնաս է կրել մի շարք բացասական ցնցումներից, մասնավորապես նավթի գների անկումից և ազգային արժույթի փոխարժեքի նվազումից: 2015թ. առաջին կեսին նկատվել է որոշակի աճ, իսկ երկրորդ կեսին այդ ձեռքբերումները կորցրել են:
Այս մասին հաղորդում է contact.az-ը՝ վկայակոչելով Արժույթի միջազգային հիմնադրամի հայտարարությունը, որը հրապարակվել է հունվարի 29-փետրվարի 3-ը Մուհամեդ Էլ Քորչիի ղեկավարությամբ Բաքու կատարված առաքելության արդյունքում:
ԱՄՀ առաքելության զեկույցում նշվում է, որ նավթային եկամուտների անկմանը զուգընթաց կառավարությունը փորձել է կարգավորել ֆիսկալ քաղաքականությունը:
Պետական ներդրումները, որոնք բավականին շատ էին նավթի բարձր գների պայմաններում, այժմ նվազել են. հայտարարվել է բիզնես միջավայրի բարելավման համար կառուցվածքային փոփոխությունների մասին:
Կարդացեք նաև
«Առաջիկայում իշխանությունները կբախվեն լուրջ խնդիրների հետ, տնտեսական աճը և վճարային հաշվեկշիռը լուրջ ճնշման կենթարկվեն: Սակայն իշխանությունները միանգամայն կարող են հաղթահարել այդ խնդիրները, եթե անհրաժեշտ քայլեր ձեռնարկեն»,- ասվում է զեկույցում:
Պատրաստեց՝ Վիկտորյա Անդրեասյանը
