Լեռնային Ղարաբաղի հարցում ԵԱՀԿ Մինսկի խմբի գործող ձևաչափը փոխելու հարցը պետք է որոշեն իրենք՝ ձևաչափի մասնակիցները: Այս մասին այսօր, ի պատասխան Trend-ի թղթակցի հարցին, ասել է Ռուսաստանի ԱԳՆ ներկայացուցիչ Մարիա Զախարովան:
«Գոյություն ունեցող ձևաչափը հաստատված է և բոլորի կողմից շատ առումներով արդյունավետ է ճանաչված: Իհարկե, բոլորը կցանկանային մեծ արդյունքներ, բայց այդ ձևաչափն աշխատում է»,- ասել է Զախարովան:
Նշենք, որ Ադրբեջանը տարբեր մակարդակներում շարունակում է պնդել, որ ԵԱՀԿ Մինսկի խմբի ձևաչափը չի աշխատում և այն փոփոխության կարիք ունի:
Պատրաստեց՝ Վիկտորյա ԱՆԴՐԵԱՍՅԱՆԸ
