ԼԳՏԲ համայնքի դեմ կոշտ քննադատություններով հայտնի Ռոբերտ Ահարոնյանը դատի է տվել 3 լրատվամիջոցի Politik.am, Araratnews.am, LGBTnews.am: Պատճառը համացանցում հայտնված տեսանյութն էր, հետեւյալ հայտարարությամբ. «Ռոբերտ Ահարոնյանը, որն ակտիվորեն պայքարում է
ԼԳԲՏ (լեսբի, գեյ, բիսեքսուալ, տրանսգենդեր) համայնքի եւ նրանց իրավունքները պաշտպանողների դեմ, իրականում ԼԳԲՏ համայնքի ներկայացուցիչ է: Կից տեսանյութում երեւում է, թե ինչպես է նա գեյ ծանոթությունների համար նախատեսված կայքով ծանոթանում տղամարդկանց հետ», որը նշված կայքերը տեղադրել են իրենց մոտ: «Տեսնենք ինչի է հասնելու եւ ինչու է ուզում օրակարգում մնալ որպես մարդ, որ մի քանի
լրատվամիջոցի դատի է տվել»,- նշում է «Արարատ» ամսագրի եւ Araratnews.am կայքի գլխավոր խմբագիր Ալեն Սիմոնյանը։ Ընկերությունն ստացել է «Հայաստանի սոցիալիստական շարժում» կուսակցության ղեկավար Ռոբերտ
Ահարոնյանի հայցն ընդդեմ լրատվամիջոցի: Ալեն Սիմոնյանի համոզմամբ՝ իրենք կշահեն դատը. «Վստահ եմ, որ կհաղթենք դատավարությունը, որովհետեւ մեր հոդվածի մեջ որեւիցե բան չկա, որ կարող է իրավունքների
Կարդացեք նաև
խախտում համարվել, պնդում չի եղել։ Բայց եթե ցանկանում է այդ թեման, որն արդեն բոլորը մոռացել են, նորից շրջանառության մեջ դնել, արդյոք ինտերնետային չատով տարբեր տեսակի սեքսուալ գործողություններ պարունակող տեսանյութում ինքն է եղել, թե ոչ, եթե դա ցանկանում է հանել հանրության քննարկմանը, եթե ուզում է դատական համակարգում դա քննարկվի, դա իր գործն է։ Բայց ես շատ հետեւողական եմ լինելու, եւ իմ բոլոր ծախսերը դատարանում, դատական հայցը հաղթելուց հետ, մեր կազմակերպությունն իրենից գանձելու հայցով դիմելու է դատարան»:
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
