Aravot.am-ն արդեն տեղեկացրել էր, որ մարդի 12-ին Կենտրոն եւ Նոր-Մարաշ վարչական շրջանների ընդհանուր իրավասության դատարանը պետք է հրապարակեր «Էյր Արմենիա» ավիաընկերության առողջացման ծրագրի վճիռը։ Այսօր ընկերության 51% բաժնետեր Արսեն Ավետիսյանը մեզ տեղեկացրեց, որ դեռեւս վճիռը չի հրապարակվել, բոլորն անհամբեր սպասում են վճռին։
Հիշեցնենք, որ սա առողջացման երկրորդ ծրագիրն է, առաջինը ներկայացվել էր Արսեն Ավետիսյանի կողմից, որը չէր հաստատվել, երկրորդ ծրագիրը ներկայացրել է ավիաընկերության 49% բաժնետեր East Prospect Fund-ը, որը երբ ավիաընկերությունը սնանկացման եզրին էր, 68 միլիոն դոլարի արժեթղթերի ներդրում էր կատարել ընկերության բալանսում։
Արսեն Ավետիսյանը մեզ հետ զրույցում ասաց, որ սնանկացման գործով կառավարիչն առողջացման ծրագիրը ներկայացրել է պարտատերերին, թե ով՝ ինչ եկամուտներից եւ ինչ ժամկետում կարող է ստանալ պարտքերը եւ աշխատելու ինչ մեխանիզմներ է առաջարկվում։ Ապա` ծրագիրը դրվել է քվեարկության, որի հիման վրա էլ պետք վճիռ կայացվի։ Պարտատերերի մեծ մասը, ինչպես նախկինում տեղեկացրել էինք, կողմ են քվեարկել։
Վաղը, հավանաբար, վերջապես կհրապարակվի վճիռը՝ արդյոք Հայաստանի քաղաքացիական ավիացիոն շուկայում կրկին կաշխատի՞ «Էյր Արմենիան»։
Կարդացեք նաև
Նելլի ԲԱԲԱՅԱՆ
