Ամերիկացի ցանցահենները հրապարակել են շուրջ 50 միլիոն Թուրքիայի քաղաքացու անձնական տվյալներ։ Այս մասին տեղեկացնում է The Telegraph լրատվական կայքը։
Հրապարակված տվյալների շարքում են նաև Թուրքիայի նախագահ Ռեջեփ Թայիփ Էրդողանի, վարչապետ Ահմեդ Դավութօղլուի և նախկին նախագահ Աբդուլլահ Գյուլի անձնական տվյալները։
Ընդհանուր առմամբ 6,6 գեգաբայթ ծավալ զբաղեցնող տեղեկատվությունն իր մեջ կրում է ահռելի քանակությամբ տեղեկություններ Թուրքիայի քաղաքացիների մասին։ Դրանցից ամեն մեկի վերաբերյալ հրապարակվել է 1. անձը հաստատող փաստաթղթի սերիան, 2. անունը, 3. ազգանունը, 4. մոր անունը, 5. հոր անունը, 6. սեռը, 7. ծննդյան տարեթիվը, 8. ծննդավայրը, 9. գրանցման վայրը, 10. բնակության հասցեն։
