«Կառավարությունն, ըստ էության, տվեց դրական եզրակացություն»,- այսօր կառավարության միջանցքում լրագրողների հետ զրույցում ասաց ԱԺ պատգամավոր Զարուհի Փոստանջյանը, որը նույնպես ներկա էր գտնվել կառավարության նիստին:
Հիշեցնենք, որ այսօր կառավարությունը հավանություն տվեց Ազգային ժողովի պատգամավորներ Զարուհի Փոստանջյանի եւ Հրանտ Բագրատյանի՝ «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ կառավարության եզրակացությանը:
«Այն հայտարարությունը, որ հնչեց, այսինքն՝ մենք դեմ չենք, ժամանակին այլ ձեւակերպումներով էին հանդես գալիս, սա կարծում եմ, ինչ որ չափով առաջընթաց է: Մենք պարտավոր ենք, այլ ճանապարհ մենք չունենք եւ սա, ողջ հանրության պահանջն է: Եթե ցանկանում ենք պատերազմական գործողությունների դիմաց ունենալ աջակիցներ եւ գործընկերներ ամբողջ աշխարհում, ապա ճանաչումն այլընտրանք չունի»,- ասաց Զարուհի Փոստանջյանը:
Նրա խոսքերով, Արցախի ճանաչմամբ, կանխում ենք բավականին խնդիրներ. «Ճանաչմամբ մենք դառնում ենք աշխարհում քաղաքական գործոն եւ այդ քաղաքական գործոնի հետ ե՛ւ բանակցում են, ե՛ւ այդ քաղաքական գործոնը ուժային դիրքերից է կարողանում հանդես գալ: Իսկ մինչ այս մենք բավականին թույլ իրավիճակում ենք»:
Կարդացեք նաև
Հարցին, թե նոր խնդիրներ չի՞ ստեղծի ճանաչումը բանակցությունների գործընթացի համար, տիկին Փոստանջյանն ասաց. «Ճանաչումը քաղաքական հայտ է, հայ ժողովրդի եւ հայոց պետականության, որի հետ պետք է հաշվի նստի միջազգային հանրությունը: Տեղի ունեցավ ագրեսիա, ագրեսիան համապատասխան ձեւով չդատապարտվեց, եւ մենք ուղղակի պարտավոր ենք, այլընտրանք չունենք»:
Տեսանյութերը՝ շուտով
Լուսինե ԲՈՒԴԱՂՅԱՆ
