Էրեբունի եւ Նուբարաշեն վարչական շրջանների ընդհանուր իրավասության առաջին ատյանի դատարանում մայիսի 5-ին դատավոր Վարդան Գրիգորյանի նախագահությամբ շարունակվում էր «Օֆշորի գործի» քննությունը:
Դատական նիստի ընթացքում դատավոր Վարդան Գրիգորյանը ամբաստանյալ Աշոտ Սուքիասյանին իր հարցերն ուղղեց: Նա խնդրեց մանրամասնել Նավասարդ արքեպիսկոպոս Կճոյանի եւ Հայաստանի նախկին վարչապետ Տիգրան Սարգսյանի առնչության մասին: Աշոտ Սուքիասյանը պատասխանեց, որ 2008 թվականից ճանաչել է Նավասարդ արքեպիսկոպոս Կճոյանին եւ Տիգրան Սարգսյանին:
«Դա ընդամենը մեկ տարի պետք է տեւեր, Կիպրոսի կազմակերպությունը մեկ ամիս պետք է տեւեր, հետո գալ Հայաստան: Հետեւելով փաստաբանների խորհրդին՝ այդ մեկ տարվա ընթացքում ոտնձգություններից խուսափելու համար: Եվ այդպիսի ոտնձգություններ եղան»,- ասաց Աշոտ Սուքիասյանը:
Դատավորը հետաքրքրվեց, թե Կիպրոսի ոտնձգողը ի՞նչ գիտի, թե Կճոյանն ով է, Աշոտ Սուքիասյանը պատասխանեց, որ կոնկրետ չեն առաջարկել, թե որ իշխանավորը, ես իմ հնարավորություններից եմ օգտվել: Իսկ Տիգրան Սարգսյանը եւ Նավասարդ արքեպիսկոպոս Կճոյանը իրազեկված չեն եղել, ինքն է կազմակերպել»:
Կարդացեք նաև
Դատական նիստը հետաձգվեց, հաջորդ դատական նիստը տեղի կունենա մայիսի 12-ին:
Ամի ՉԻՉԱԿՅԱՆ