Ընտրական օրենսգրքի փոփոխությունները կյանքի կոչելու համար իշխանության պնդմամբ հարկավոր է 16 միլիոն եվրո։ Գումարն անհրաժեշտ է Ընտրական օրենսգրքում ընտրական գործընթացի օրինականության վերահսկման կազմակերպական-տեխնիկական մեխանիզմների ներդրման նպատակով, որի շուրջ ամիսներ առաջ կայացավ իշխանություն-ընդդիմություն փոխհամաձայնությունը։ Խոսքը հայտնի 4+4+4 բանակցային ձեւաչափում ընդգրկված քաղաքական ուժերի եւ իշխող հանրապետական կուսակցության միջեւ ստորագրված փոխհամաձայնության մասին է։
Չնայած իշխանության հոռետեսական կանխատեսումներին, թե դժվար է լինելու 16 միլիոն եվրո ճարել, այնուամենայնիվ, հուրախություն ընդդիմության եւ հասարակության, այդ գումարները գտնվել են։
«ՉԻ» տեղեկությունների համաձայն՝ 7 միլիոն եվրո համաձայնել է տրամադրել Եվրամիությունը, 1 միլիոն եվրոյի համաձայնություն է տվել ԱՄՆ-ը, կես միլիոն ներդրում է պատրաստ իրականացնել Գերմանիան, եւս կես միլիոն՝ Մեծ Բրիտանիան։ Իր հերթին ՀՀ իշխանությունը պատրաստակամություն էր հայտնել այս գործի համար տալ 3 միլիոն եվրո։
Ստացվում է, որ 12 միլիոնն արդեն կա։ Եվս 14 միլիոն եվրո, այսինքն՝ անհրաժեշտ միջոցներից մի բան էլ ավելի, ակնկալվում է Եվրամիության տարբեր ֆոնդերից։ Կարելի է ասել՝ այս պայմանավորվածությունը նույնպես ձեռքբերված է։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
