Թուրքիայի Հանրապետության նախագահ Ռեջեփ Թայիփ Էրդողանը հարցազրույց է տվել CNN-ին, որի ընթացքում խոսել է 2016թ. հուլիսի լույս 16-ի գիշերը Թուրքիայում տեղի ունեցած զինվորական հեղաշրջման փորձի մասին, տեղեկացնում է թուրքական T24-ը։
Անդրադառնալով ԱՄՆ-ում բնակվող Ֆեթուլլահ Գյուլենի թեմային, որին Թուրքիայի իշխանությունները մեղադրում են ռազմական հեղաշրջման փորձ կազմակերպելու համար, Էրդողանն ասել է. «Եթե ԱՄՆ-ն չարտահանձնի Ֆեթուլլահ Գյուլենին, մենք էլ ԱՄՆ-ի պահանջած մարդկանց չենք վերադարձնի»։
Հարցազրույցի ընթացքում Թուրքիայի նախագահն անդրադարձել է նաև ռազմական հեղաշրջման փորձից հետո թուրք հասարակության որոշակի շրջանակներում առկա մահապատիժը կրկին օրինականացնելու տրամադրություններին. «Հայրենիքի հանդեպ բացարձակ դավաճանության մեղադրանք կա։ Մահապատժի մասին օրինագիծը խորհրդարան կներկայացվի։ Մեջլիսն ինչ որոշում ընդունի, վավերացնելու եմ։ Ինչո՞ւ նրանց տարիներով բանտում պահենք և կերակրենք»։
