«Կոնտուր Գլոբալ» ընկերությունը, որը գնել է «Որոտանի ՀԷԿ-երի համալիրը», փոշմանել է եւ Հայաստանում վարկ չի վերցնի: Այսօր այս մասին Հանրային ծառայությունները կարգավորող հանձնաժողովում ասաց ընկերության գլխավոր տնօրեն Արա Հովսեփյանը:
Հանձնաժողովը այսօր նիստ էր հրավիրել, որի օրակարգում քննարկվող հարցերից մեկը «Կոնտուր Գլոբալ» ընկերության հարցն էր. ընկերությունը դիմել էր հանձնաժողով՝ թույլատրելու, որպեսզի գրավադրի ընկերության գույքը եւ վարկ վերցնի՝ ընկերության ծրագրերն իրականացնելու նպատակով:
Սակայն հանձնաժողովի ներկայացուցիչը նիստը բացվելուն պես հայտարարեց, որ «Կոնտուր Գլոբալի» հարցը օրակարգից պետք է հանել, քանի որ նիստից առաջ դիմել են իրենց եւ հայտնել, որ մտափոխվել են՝ վարկ վերցնելու անհրաժեշտություն չունեն:
Հանձնաժողովի նախագահ Ռոբերտ Նազարյանի հարցին՝ ինչո՞վ է պայմանավորված ընկերության որոշումը, քանի որ արդեն դիմել էին վարկ վերցնելու համար, Արա Հովսեփյանն ասաց, որ ավելի էժան եւ նպատակահարմար է սեփական միջոցներից ներդնել:
Կարդացեք նաև
Լուսինե ԲՈՒԴԱՂՅԱՆ
