Ղրղըզստանի նախագահ Ալմազբեկ Աթամբաևն անդրադարձել է Թուրքիայի արտաքին գործերի նախարար Մևլութ Չավուշօղլուի հայտարարությանը, թե Միջին Ասիայում Գյուլենական շարժման օջախը Ղրղըզստանն է։ Այս մասին տեղեկացնում է ռուսական «ՌԻԱ» լրատվական գործակալությունը։
Աթամբաևը, անդրադառնալով Չավուշօղլուի խոսքերին, ասել է. «Դա աբսուրդ է։ Եթե այդքան խելոք էին, ինչու էին քնած, երբ իրենց երկրում ռազմական հեղաշրջման փորձ տեղի ունեցավ։ Իհարկե, մենք կլսենք բոլոր խորհուրդներն ու կստուգենք տեղեկությունները, իսկ վախեցնել կամ սովորեցնել մեզ՝ պետք չէ»։
