Ռիո դե Ժանեյրոյում ընթացող ամառային օլիմպիական խաղերում վնասվածքները, թերեւս, ամենից շատ հետապնդում են հայաստանցի մարզիկներին:
Վլադիմիր Մարգարյան
Նախ, կուբացի Ռոնիել Իգլեսիասի հետ մենամարտում հոնքի վնասվածքի պատճառով պայքարը շարունակել չկարողացավ 69 կգ քաշային բռնցքամարտիկ Վլադիմիր Մարգարյանը:
Անդրանիկ Կարապետյան
Այնուհետեւ, պոկում վարժությունից հետո երկրորդ տեղում ընթացող եւ օլիմպիական մեդալի իրական հավակնորդ, 77 կգ քաշային ծանրորդ Անդրանիկ Կարապետյանը հրում վարժության երկրորդ մոտեցման ժամանակ վնասեց ձախ արմունկը եւ դադարեցրեց պայքարը:
https://www.youtube.com/watch?v=_V8pdlsFgsQ
Կարդացեք նաև
Երրորդ անհաջողությունը վրա հասավ լողորդուհի Մոնիկա Վասիլյանին, որը մարզման ժամանակ վնասեց թեւը եւ բժիշկները նրան թույլ չտվեցին ելնել մեկնարկի:
Մոնիկա Վասիլյան
Հուսանք ու հավատանք, որ այսքանով վնասվածքներն ու անհաջողությունները կավարտվեն ու մեր օլիմպիական մարզիկները վերջապես իրենց հաղթանակներով կուրախացնեն հայ մարզասերներին:
Աշոտ ՀԱԿՈԲՅԱՆ
