ՄՕԿ-ն այդ հարցին կանդրադառնա ստանդարտ գործընթացային կարգով, ինչպես մյուս բոլոր մարզաձեւերի հետ վարվում է յուրաքանչյուր օլիմպիական խաղի ավարտից հետո:
Նախորդ երկու օլիմպիական խաղերի դոպինգ փորձանմուշների վերստուգումը դեռ շարունակվում է եւ ՄՕԿ-ը կշարունակի յուրաքանչյուր կոնկրետ դեպքի մասին իրազեկել կարգապահական գործընթացների ավարտից հետո:
Հիշեցնենք, որ Պեկինի օլիմպիական խաղերի դոպինգ փորձանմուշների վերստուգումն արդեն ի հայտ է բերել 25 դրական արդյունք, որոնցից 16-ը հայտնաբերվել է յոթ երկրներ ներկայացնող 16 մեդալակիրների փորձանմուշներում: Հունիսի 22-ին մարզաձեւի միջազգային ֆեդերացիան որոշում էր ընդունել, ըստ որի 2008 եւ 2012 թթ. օլիմպիական խաղերի դոպինգ վերստուգման արդյունքներով միեւնույն երկրի ծանրորդների մոտ եթե երեք եւ ավելի դրական արդյունք արձանագրվի, այդ երկրների ազգային ֆեդերացիաները կարող են որակազրկվել մեկ տարով: Հենց այս սկզբունքի համաձայն էլ Ռուսաստանի, Բելառուսի եւ Ղազախստանի ծանրորդներին արգելվեց մասնակցել Ռիոյի օլիմպիական խաղերին: Իսկ երբ IWF-ն չորեքշաբթի օրը հրապարակեց նաեւ վեց երկրների 15 ծանրորդների դրական արդյունքների մասին, հեռացված ազգային ֆեդերացիաների թիվը կարող է հասնել յոթի՝ ներառյալ Ադրբեջանը, Թուրքիան, Չինաստանը եւ Ուկրաինան:
Աշոտ ՀԱԿՈԲՅԱՆ
Կարդացեք նաև
Լուսանկարը՝ iwf.net-ի
