«Ներկայում Արցախում սիրիահայերի վերաբնակեցում կա, բայց ոչ զանգվածային կերպով, որն անհրաժեշտ է Արցախը սիրիահայության օգնությամբ վերաբնակեցնելու համար: Ճիշտ քաղաքականության արդյունքում հնարավոր էր այս հարցը լուծել» ,-այսօր «Փաստարկ» մամուլի ակումբում ասաց պատմաբան Էդիկ Մինասյանը:
Նա փաստեց, որ տարածաշրջանում Թուրքիան շարունակում է ակտիվ քաղաքականություն վարել` մասնավորապես Սիրիայում գործելով քրդերի դեմ, բայց այդ գործողությունների հետեւանքով սիրիահայեր են զոհվում: Սիրիայի երբեմնի ծաղկուն հայկական գաղթօջախը վերջին հինգ տարում քայքայվեց:
Մինասյանի խոսքով` Արցախյան հակամարտության հանգուցալուծման հարցում Թուրքիան միշտ Ադրբեջանի կողքին է եւ ամեն ինչ անում է` հայկական հարցն ասպարեզից հեռացնելու համար. «Հնարավոր է` ռուս-թուրքական գործակցության արդյունքում Թուրքիան հասնի նրան, որ բանակցություններում իր մասնակցությունն ապահովի: Դա կախված է ռուս-թուրքական մերձեցման հեռանկարներից: Միաժամանակ` կասկածում եմ, որովհետեւ դա նշանակում է ՌԴ-ի դիրքերի թուլացում»:
Կարդացեք նաև
Լուիզա ՍՈՒՔԻԱՍՅԱՆ
