ՀՀ արդարադատության նախարարությունն այսօր` սեպտեմբերի 6-ին, «Արմենիա Մարիոթ» հյուրանոցում ներկայացրեց Տեղեկատվության ազատության ոլորտի արդիականացման հայեցակարգը, որն ամփոփում է տեղեկատվության ազատության ոլորտի հիմնախնդիրները: Արդարադատության նախարարի տեղակալ Սուրեն Քրմոյանը հայտնեց, որ համատեղ լուծումներից հետո կանցնեն տեղեկատվության ազատությանն առնչվող օրենսդրության կատարելագործմանը: Մասնավորապես , կարվեն էլեկտրոնային հարցումների հետ կապված կարգավորումներ. «Փորձելու ենք այնպես անել, որ անձն իր մասին ցանկացած տվյալներ եւ տեղեկատվություն ստանա անվճար եւ մատչելի կերպով»:
Քրմոյանը տեղեկացրեց, որ ստեղծվում է էլեկտրոնային հարթակ, որտեղ գերատեսչությունների ներկայացրած ցանկացած իրավական ակտ կդրվի հանրային քննարկման. «Հ/Կ-ները, քաղաքացիները կարող են դեմ կամ կողմ արտահայտվել իրավական որոշումներին: Եթե քաղաքացին, օրինակ, հետաքրքրված է բնապահպանության ոլորտով, կարող է բաժանորդագրվել եւ ստանալ այդ ոլորտի իրավական ակտերը»:
Այսպես՝ քաղաքացիական հասարակության ներկայացուցիչները կարող են ներկայացնել նաեւ առաջարկներ եւ դիտողություններ, նաեւ առցանց հետևել իրավական նախագծի հետագա ընթացքին, ծանոթանալ, թե ինչ փոփոխությունների է այն ենթարկվել, ընդունվե՞լ է, թե՞ ոչ:
Կարդացեք նաև
Լուիզա ՍՈՒՔԻԱՍՅԱՆ
