Ռիժկովը՝ Եռաբլուրում

Երեկ մեռելոց էր, եւ Եռաբլուր այցելողներին անակնկալ էր սպասվում: Եռաբլուրի պանթեոն տանող ամբողջ ճանապարհին տեղադրվել են մեր Ազգային հերոսների մասին ցուցատախտակները: Ուշագրավ է, որ առաջին հայացքից շատերի համար զարմանալի էր՝ ինչո՞ւ է Եռաբլուրի անմիջապես մուտքի մոտ տեղադրվել ՀՀ-ՌԴ ռազմավարական հարաբերությունների ջատագով, ռուս պետական գործիչ Նիկոլայ Ռիժկովի ցուցատախտակը, իսկ Մոնթեի, Թաթուլ Կրպեյանի, բանակաշինության գործում իր մեծ ավանդն ունեցող սպարապետ Վազգեն Սարգսյանի ցուցատախտակները՝ Եռաբլուրի մուտքից անհամեմատ ավելի հեռու:

Ակնհայտ է, որ փորձել են Ազգային հերոսների նկարներն ըստ կոչումը ստանալու տարեթվերի տեղադրել: Վերջինն այդ կոչմանն արժանացել է Ռիժկովը՝ 2008-ին, 2004-ին՝ Շառլ Ազնավուրն ու Քըրք Քըրքորյանը, 1999-ին՝ Կարեն Դեմիրճյանն ու Վազգեն Սարգսյանը, եւ այսպես շարունակ: Բայց անհասկանալի է տրամաբանությունը՝ ինչո՞ւ սկսել Ռիժկովից, երբ նա վերջինն է: Առաջինն Ազգային հերոսի բարձր կոչմանն արժանացել է Ամենայն Հայոց կաթողիկոս Վազգեն Առաջինը, հետո՝ Վիկտոր Համբարձումյանը: Ի վերջո՝ Ռիժկովից հետո էլ Ազգային հերոսներ չե՞ն լինելու:

Կարդացեք նաև

Երբ գնում ենք Ծիծեռնակաբերդ կամ Եռաբլուր, խորհենք՝ ինչ պիտի անեինք, որ չարեցինք և ի՞նչ ունենք անելու, որ պիտի անենք՝ գալիքի ակնկալիքով. Վազգեն Սրբազան

• 16:30 24.04.2024

Միջոցառումը լուսաբանելու նպատակով հավատարմագրելու են միայն լուսանկարիչների. կառավարության որոշումն ամոթալի է, անթույլատրելի և աննախադեպ. ՀԺՄ

• 17:10 23.04.2024

Նոր Սարդարապատ՝ այս անգամ Ոսկեպարի շուրջ. «Հայրենիք»

• 09:50 20.04.2024

Լուսանկարները՝ Հ. ՋԵԲԵՋՅԱՆԻ

«Առավոտ»

13.09.2016