ՀՀ վերահսկիչ պալատը հաջորդ տարի վերահսկողություն կիրականացնի 20-ից ավելի ուղղություններով: Այս մասին այսօր ԱԺ ֆինանսավարկային և բյուջետային հարցերի մշտական հանձնաժողովի նիստում ՀՀ վերահսկիչ պալատի 2017 թվականի գործունեության տարեկան ծրագրի քննարկման ժամանակ տեղեկացրեց ՎՊ անդամ Արա Նռանյանը:
Վերահսկողության ուղղություններն ընտրելիս հաշվի են առնվել նոր ծրագրերի իրականացումը, հանրության, ԶԼՄ-ների, քաղաքական գործիչների բարձրաձայնումները: Ներառվել են նաեւ սոցիալական կարեւոր ոլորտներ, որոնք մեծ քանակությամբ շահառուներ ունեն «Տարեցտարի ստուգումները բացահայտում են ավելի քիչ խախտումներ, որը պայմանավորված է նաեւ նրանով, որ գիտեն, որ ստուգումներ են իրականացվում»,- ասաց Արա Նռանյանը:
Ի դեպ, ՎՊ անդամի ներկայացմամբ, ՎՊ-ի ռեսուրսները հաջորդ տարի ավելի սահմանափակ կլինեն, քանի որ ԵՄ-ի կողմից 10 մլն եվրո ֆինանսավորման շրջանակներում պալատի աշխատակազմի վերապատրաստման եւ ուսուցման ծրագրեր են իրականացվում:
Քննարկմանը ընդդիմադիր պատգամավորները ներկա չէին, ուստի Արա Նռանյանին սուր հարցեր չտրվեցին:
Կարդացեք նաև
Նելլի ԳՐԻԳՈՐՅԱՆ