Երեւանցիներս վարժվել ենք փողոցային առեւտրի գոյությանը մայրաքաղաքի ամենաանհավանական հատվածներում` սկսած Մատենադարանի մուտքի մոտ վաճառվող մանր-մունր իրերից, վերջացրած մետրոյի գետնանցումներում անմիջապես գետնին վաճառվող ձկնեղենից, չրերից ու կանաչուց: Տպավորություն է ստեղծվել, թե այս խնդիրը երբեք չի կարգավորվի:Մյուս կողմից էլ՝ բացօթյա առեւտրով զբաղվողներն իրենց առօրյա հացն են հոգում, բացի դրանից՝ փողոցում, անգամ հակահիգիենիկ պայմաններում վաճառվող մթերքն ավելի մատչելի է որոշ խավերի համար, քան ձեռք կբերեին խանութներում: Զանազան կանաչիներով բեռնված մանկական այս սայլակն էլ կանգնեցված էր Մաշտոցի պողոտայի մայթին: Իմիջիայլոց, գնորդները պասիվ չէին: Գուցե նրանց գրավել էր յուրահատուկ առեւտուրը` ուղիղ մանկական սայլակից:
Լուսանկարը`
ԳՈՀԱՐ ՀԱԿՈԲՅԱՆԻ
Կարդացեք նաև
«Առավոտ»
09.12.2016
