Աստանայում հունվարի 23-ին ՌԴ-ի, Թուրքիայի եւ Իրանի մասնակցությամբ Սիրիայի հարցով նախանշված բանակցություններին Թուրքիայի ներգործությամբ կասեցվել է Սիրիայի քրդական ուժերի մասնակցությունը: «Եթե քրդերը մասնակցեին, պետք է մասնակցեր նաեւ Բաշար Ասադը, «Ազատ Սիրիայի» բանակը: Թուրքիան իսկույն կմերժեր նրանց մասնակցության առաջարկը: Բացի այդ, Թուրքիան հյուսիսային Սիրիայի քրդերին համարում է ահաբեկչական կազմակերպություն»,-«Հայելի» մամուլի ակումբում այսօր անդրադառնալով նշյալ հանդիպմանը՝ ասաց թուրքագետ Հակոբ Չաքրյանը:
Նա նշեց, որ Իրանն իր հերթին առարկել է ԱՄՆ-ի մասնակցության համար: «ԱՄՆ-ի մասնակցության դեպքում երկիրը պետք է ներկայացներ Դոնալդ Թրամփը, սակայն նա չի կարող մասնակցել, քանի որ պաշտոնը ստանձնելուց երկու օր հետո իրատեսական չէ, որ կհասնի Աստանա»,-նկատեց Չաքրյանը:
Թե ինչ ակնկալել Աստանայի հանդիպումից, ըստ թուրքագետի՝ Սիրիայում հրադադարի ռեժիմը կշարունակի անկայուն լինել. «ԱՄՆ-ն գոհ չի լինի, որ Սիրիայի քաղաքական զարգացումներն անցնում են Ռուսաստանի ձեռքը, ինչն արդեն իսկ այդպես է»:
Մանրամասն քիչ ուշ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
