Տարեվերջին մի քանի տասնյակ տնտեսվարողներ պետությունից միլիոնների հարկեր են թաքցրել: Այս մասին տեղեկանում ենք հարկայինի հրապարակած փաստաթղթերից:
«Օվալ պլաստիկ» ընկերությունը 1 միլիոն 703 հազարի խախտում է թույլ տվել` ապրանքներն առաքելով առանց ուղեկցող փաստաթղթերի:
Նույն խախտման համար նաեւ տուգանվել է «Գոլդ շին» ընկերությունը` պետությանը պատճառելով 1 միլիոն 118 հազար 400 դրամի վնաս:
«Սթիլ Կոնցեռնի» կատարած խախտումն էլ 2 միլիոն 269 հազար 313 դրամի չափով է:
Կարդացեք նաև
Հիշեցնենք, որ տարեսկզբին վարչապետ Կարեն Կարապետյանը կառավարության նիստում փոխանցեց պետեկամուտների կոմիտեի ղեկավարից ստացած դժգոհությունը: ՊԵԿ-ը բողոքել էր, որ մի շարք տնտեսվարողներ ճիշտ չեն հասկացել վարչապետի` նախորդ տարվա այն հայտարարությունը, որով Կարեն Կարապետյանը ՊԵԿ-ին հորդորել էր հարկային ստուգումներ իրականացնել բացառապես ռիսկային համարվող սուբյեկտներում, իսկ փոքր ու միջին ձեռնարկություններին էլ անդրադառնալ միայն ծայրահեղ անհրաժեշտության դեպքում:
ՊԵԿ-ն այն ժամանակ անուններ չէր հրապարակել եւ միայն հայտնել էր, որ մեծ թվով հարկ վճարողներ համարժեք չեն ընկալել վարչապետի հանձնարարականը եւ մի շարք խախտումներ են թույլ տվել, մասնավորապես` իրացման շրջանառությունների եւ գների, աշխատողների թվաքանակի, հաշվարկային փաստաթղթերի ապրանքների մատակարարման եւ այլն մասով:
Տարին ամփոփելուց հետո օրինախախտներն արդեն հայտնի են:
Առանց ուղեկցող փաստաթղթերի ապրանքներ է առաքել կամ տեղափոխել նաեւ «Վան» 777 ընկերությունը` պետությանը պատճառելով 324 հազար 971 դրամի վնաս: «Կառլեն Արամյան» անհատ ձեռներեցն էլ` 465 հազար դրամի: «Անահիտ Լաբլաջյան» անհատ ձեռներեցը 650 հազար դրամի խախտում է թույլ տվել:
«Մեծն Էրիկ» ընկերությունն էլ ապրանքներն առաքել է կամ տեղափոխել պետբյուջե՝ չվճարելով 2 միլիոն 810 հազար դրամ: «Պրեմեր ֆուդ» ընկերությունը 479 հազար 556 դրամով է հարկերից խուսափել: «Ավերս» ընկերությունը հարկերից խուսափել է 1 միլիոն 915 հազար դրամով:
«Պլենիում» ընկերությունը 244 հազար 622 դրամ է պետությանը վնաս պատճառել, «Ադամիում» ընկերությունն էլ՝ 100 հազար 700 դրամ: «Լուսակերտ» ընկերությունը եւս օրինախախտների թվում է. առանց ուղեկցող փաստաթղթերի 87 հազար 920 դրամի ապրանք է առաքել:
Այս տարի մի քանի տնտեսվարողներ եւս կատարել են նույն խախտումը` չնայած նախորդ տարվա համեմատությամբ հարկերից խուսափելը ոչ թե միլիոններով է այլ` հազարներով: Այսպես` Ա/Ձ Տարոն Պեպանյանը 68 հազար 100 դրամի է խախտում կատարել: «Դիզակ ֆուդ» ՍՊԸ-ն` 60 հազար դրամի,
«Արեւ Յուլիա» տնտեսվարողը 40 հազար դրամի է հարկեր թաքցրել, «Առինգար» ՍՊԸ-ն 37 հազար 800 դրամի է պետությանը վնաս պատճառել: «Գոհար Առաքելյան» անհատ ձեռներեցը 54 հազար 160 դրամի խախտում է թույլ տվել:
Լուսինե ԲՈՒԴԱՂՅԱՆ
