Ռուս բլոգեր Ալեքսանդր Լապշինի կինը դիմել է Բելառուսի իշխանություններին՝ խնդրելով լրացուցիչ պաշտպանություն տրամադրել իր ամուսնուն: Այս մասին գրում է «Ինտերֆաքսը»՝ վկայակոչելով Լապշինի փաստաբան Նատալիա Շեկինային:
«Նա դիմել է Մինսկի Ներքին գործերի գլխավոր վարչության՝ միգրացիայի և քաղաքացիության բաժին՝ խնդրելով լրացուցիչ պաշտանություն տրամադրել»,- ասել է Շեկինան լրագրողներին:
Ավելի վաղ հաղորդվում էր, որ Բելառուսի Գերագույն դատարանը մերժել է Ալեքսանդր Լապշինի դիմումն ընդդեմ դատախազության որոշման, ըստ որի, Լապշինը պետք է արտահանձնվի Ադրբեջանին:
Պատրաստեց՝ Վիկտորյա ԱՆԴՐԵԱՍՅԱՆԸ
