Այսօր ԱԺ հայտարարությունների ժամին ԲՀԿ խմբակցության ղեկավար Նաիրա Զոհրաբյանը հայտարարեց, որ որոշ պաշտոնյաների, մարզպետների մոտ խորհրդարանական ընտրություններին ընդառաջ ադրենալինի եւ վատ խոլեստերինի ամպլիտուդի լուրջ տատանումներ են նկատվում. «Վերջիններս իրենց նոմինալ գինն ու ինքնարժեքը բարձրացնելու համար անցել են սպառնալիքների , ահաբեկումների իրենց հոգեհարազատ ժանրին: Օրինակ, ոմն մարզպետ հրավիրում է ԲՀԿ գյուղապետերին եւ փորձում սպառնալ, թե մարզում մոռոզ անողն ինքն է: Իհարկե, մառոզի լավագույն մասնագետը մեր երկրում «Հիդրոմետ» ծառայության պետ Գագիկ Սուրենյանն է, որի մոտ մառոզ անող այդ մարզպետը կարող է հաստիքային գործի անցնել ու կախված աշխատավարձի չափից որոշել՝ մառո՞զ է անում, ցունամի՞, թե՞ ընդամենը քամի է տատանում»:
Նաիրա Զոհրաբյանն ասաց, որ եթե այդ մարզպետի մոտ ինքնավստահության, հեղինակության կատարյալ երաշտ է ու սեփական հեղինակության բացակայությունը փորձում է լրացնել մառոզներով կամ այլ տեղումներով, ապա վստահեցնում է՝ շատ արագ մնալու է նա մառոզի տակ:
Նաիրա Զոհրաբյանը հիշեցրեց, որ ահաբեկումները քվե չեն դառնում, ու խորհուրդ տվեց քաշից ավելի պարտավորություն չվերցնել. «Քաղաքական գրիժան անբուժելի է»:
Կարդացեք նաև
Հռիփսիմե ՋԵԲԵՋՅԱՆ
