Մինսկից Բաքու արտահանձնված բլոգեր Ալեքսանդր Լապշինին կարող է ներում շնորհվել Ադրբեջանի նախագահի հրամանով՝ հրապարակավ ներողություն խնդրելուց հետո: Այս մասին գրում է «Ինտերֆաքսը»՝ վկայակոչելով իրավիճակին ծանոթ իր աղբյուրը:
«Բլոգերի ճակատագրի շուրջ բազմակողմանի բանակցությունների ընթացքում, ի թիվս այլ տարբերակների, քննարկվել է նրան ներում շնորհելու տարբերակը, եթե նա հրապարակավ ներողություն խնդրի Ադրբեջանի օրենքները խախտելու համար»,- ասել է գործակալության զրուցակիցը:
Նա նշել է, որ Մինսկում Լապշինի ձերբակալությունից անմիջապես հետո Ռուսաստանի և Իսրայելի ներկայացուցիչները (Լապշինն ունի Ռուսաստանի և Իսրայելի քաղաքացիություն) բանակցություններ են սկսել՝ նրան ազատ արձակելու պայմանների շուրջ:
«Բելառուսական կողմը սկզբունքայնություն ցուցաբերեց և միանշանակ կողմ արտահայտվեց Լապշինի արտահանձնամնը, ինչը և արվեց: Հնարավոր է, որ արտահանձնման պայմաններից մեկն էլ եղել է նրան ներում շնորհելը՝ Ադրբեջանից հրապարակավ ներողություն խնդրելուց հետո»,- ասել է աղբյուրը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
