«Ստեփանակերտի շրջափակման ճեղքումը. 25 տարի անց» թեմայով միջազգային կոնֆերանսի ժամանակ այսօր ՀՀԿ խմբակցության պատգամավոր, «Եվրոպական ինտեգրացիա» հ/կ նախագահ Կարեն Բեքարյանը ներկաների ուշադրությունը հրավիրեց ՌԴ-ի կողմից Ադրբեջանին զենք վաճառելու փաստին:
«Չեմ ընդունում տեսակետը, թե՝ «նորմալ է, որ ՌԴ-ն զենք է վաճառում Ադրբեջանին», եւ տեսակետը, թե «վա՜յ կատաստրոֆա է, որ ՌԴ-ն զենք է վաճառում Ադրբեջանին»: Այս տեսակետերն աննորմալ ծայրահեղություններ են»,-խոսքն ուղղելով ռուսաստանցի գործընկերներին՝ համոզմունք հայտնեց Կարեն Բեքարյանը:
Ըստ նրա՝ ՌԴ-ի կողմից Ադրբեջանին զենք վաճառելու հիմնավորումներում օբյեկտիվության տարրեր կան, բայց ռուսաստանցի գործընկերները պետք է հաշվի առնեն՝ «бизнес- ничего личного» մոտեցումն այնքան էլ ճիշտ չէ:
«Ասում են, թե «եթե Ադրբեջանը մեզանից զենք չգնի, ուրիշից կգնի», մինչդեռ ՌԴ-ն ժամանակ առ ժամանակ Ադրբեջանին վաճառում է այնպիսի զինատեսակներ, որոնք Ադրբեջանը ոչ մի տեղից չի կարող գնել: Բացի այդ, երբ Ադրբեջանը զենքը բերում է ՌԴ-ից, ունի ներքին համոզվածություն, որ ունի նաեւ այդ զենքը ՀՀ-ի եւ ԼՂՀ-ի հանդեպ կիրառելու «օկ»-ը: Ոչ թե պետք է խռովել ՌԴ-ից, այլ աշխատել այս ուղղությամբ»,-նշեց Կարեն Բեքարյանը:
Կարդացեք նաև
Մանրամասն ՝ տեսանյութում
Լուիզա ՍՈՒՔԻԱՍՅԱՆ
