«Կոնգրես-ՀԺԿ» դաշինքի նախընտրական քարոզարշավն այսօր շարունակվեց Եղվարդ քաղաքում, որտեղ դաշինքի թեկնածուներ Լեւոն Զուրաբյանին եւ Արամ Մանուկյանին բնակիչները դիմավորեցին հարցով՝ «բա ընդդիմությունն ինչո՞ւ չմիավորվեց»:
Թեկնածուները հետաքրքրվեցին, թե բնակիչներն ինչպես են, ինչին ի պատասխան եղվարդցի մի տղամարդ հեգնեց. «Երկիրը՝ լավ, ամեն ինչը՝ ձրի, առանց աշխատանք՝ լավ ենք…»: «Վարչապետն էլ թմբկահարում է»,-շարունակեց Լեւոն Զուրաբյանը՝ նկատի ունենալով « Ռեինկարնացիա» խմբի կատարմամբ ՀՀԿ-ի նախընտրական քարոզարշավի տեսահոլովակը, որում Կարեն Կարապետյանը թմբուկ է նվագում:
«Էդ մի երաժիշտն էր պակասում, էդ էլ եկավ»,-շարունակեց հեգնել եղվարդցին: Դաշինքի թեկնածուները ներկայացրեցին իրենց նախընտրական ծրագիրը: Մասնավորապես Արցախի հակամարտության կարգավորման հարցում բնակիչների մոտ հարցեր առաջացան, ինչի մասին՝ քիչ ուշ:
Կարդացեք նաև
Կանանցից մեկն էլ մեկընդմեջ ցածրաձայն Արտաշես Գեղամյանին հիշեց, ասելով՝ «դրա նմաննե՜րը, դրա նմաննե՜րը…»:
Մանրամասն` տեսանյութում
Լուիզա ՍՈՒՔԻԱՍՅԱՆ
