«Որպես պատմաբան եմ ասում՝ Տիգրան Մեծից հետո միակ գործիչը, որը հող է գրավել, Լեւոն Տեր-Պետրոսյանն է»,-Հրազդանում այսօր «Կոնգրես-ՀԺԿ» դաշինքի նախընտրական քարոզչության ժամանակ ՀԱԿ գրասենյակում հայտարարեց դաշինքի թեկնածու Վիկտոր Միրումյանը:
Նա իր խոսքն ուղղեց Տեր Պետրոսյանին «հող հանձնող» անվանողներին՝ ասելով. «Տիգրան Մեծը նվաճեց 2,5 միլիոն քառակուսի կմ՝ ներկայիս Բրազիլիայի չափ տարածք: Քսանհինգ տարի նվաճածը պահելուց հետո նա Հռոմի եռապետներից մեկի հետ Արտաշատում կնքեց պայմանագիր. պատկերացնո՞ւմ եք նրա փոխզիջումները որքան էին՝2,5 միլիոն քառակուսի կմ՝…հիմա Տիգրան Մեծը հող հանձնո՞ղ էր, դավաճա՞ն էր…փաստորեն՝ «շան տղեն» այդքան զիջել է…»:
Վիկտոր Միրումյանի բնորոշմամբ՝ մեծ դիվանագետ Տիգրան Մեծն այդպես պահեց բուն Հայաստանը, «Կոնգրես-ՀԺԿ»-ն էլ իր «խաղաղության ծրագրով» առաջարկում է պահել բուն Արցախը. «Տեր-Պետրոսյանը ժամանակին նվաճեց Ղարաբաղի եռակի չափով: Հիմա եկել է փոխզիջումների պահը: Պայմանագիրը կա(նկատի ունի Մադրիդյան սկզբունքները,-խմբ), որից խույս են տալիս իշխանությունները եւ նոր ժամանակների Տիգրան Մեծին՝ Լեւոն Տեր-Պետրոսյանին անվանում են հող հանձնող»:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
