«Կոնգրես-ՀԺԿ» դաշինքը մարտի 10-11-ը Արմավիրի մի շարք գյուղերում եւ քաղաքներում ժողովրդին ներկայացնում էր նախընտրական իրենց ծրագրերը, առաջարկները: Հիմնականում հավաքվածները տարեց մարդիկ ու քիչ թվով երիտասարդներ էին, կանայք զբաղված էին տան, դաշտի աշխատանքներով: Մի մասն էլ, իրենց ասելով, վախենում էին դուրս գալ ելույթը լսելու, քանի որ պետական գործ ունեին եւ վախենում էին զրկվել գործից` ընդդիմադիր կուսակցականների ելույթը լսելու համար:
Շրջայցի վերջին գյուղում` Լենուղիիում, որտեղ հավաքվածները երիտասարդներ էին, երկար լսելով «Կոնգրես-ՀԺԿ» դաշինքի ներկայացուցիչներ Արամ Մանուկյանին, Լեւոն Զուրաբյանին, Վահագն Խաչատրյանին` մի տղամարդ պոռթկաց եւ բարձր ձայնով ասաց. «Որ տարին մեկ անգամ գայիք, ժողովրդի դարդ ու ցավը հարցնեիք, էսօր 10 հոգի չէր հավաքվի, այլ 250 հոգի: Էսօր սաղ գալիս սենց խոսում են, ախր ի՞նչ կարող եք փոխել: Էսօր իմ տղեն Ղարաբաղ առաջին գիծ կանգնած ծառայում ա, կարաս ընենց անես, որ խաղաղություն լինի»: Նրան ի պատասխան՝ Վահագն Խաչատրյանն ասաց` այո, բա դրա համար ենք այստեղ:
Մանրամասները` տեսանյութում:
Կարդացեք նաև
Արամ Մանուկյանը վրդովված տղամարդուն հիշեցրեց, որ մարզում սկսված խաղողի մթերման խնդիրների ժամանակ իրենց կողքին է եղել, մի կին էլ վեճի մասնակից լինելով՝ ասաց. «Բացի Լեւոն Զուրաբյանից եւ Արամ Մանուկյանից, ո՞ւմ ես տեսել ելույթ ունենա, որ ժողովրդի կողմից ա: Միշտ իրանք են պայքարել: Էսօր Հանրապետականի ձեռնա փողերը»,-որին ի պատասխան՝ տղամարդն ասաց, որ այսօր ամեն ինչը փողի մեջ չի, մարդկային արժանիքները, վերաբերմունքն արժե ամեն ինչ:
Մանրամասները` տեսանյութում:
Անուշ ՄԱԹԵՎՈՍՅԱՆ
