«Արցախի հարցի լուծումը նախընտրական քարոզչության դրույթ դարձնելը, կարծում եմ, բացարձակ ճիշտ քայլ չէ: Խաղաղությունը բացառիկ արժեք է եւ կարեւոր, իսկ թե ինչ գնով է այն ձեռք բերվելու՝ հարցի մյուս կողմն է»,-Aravot.am-ի հետ զրույցում մեկնաբանելով ՀԱԿ նախագահ, «Կոնգրես-ՀԺԿ» դաշինքի առաջնորդ Լեւոն Տեր-Պետրոսյանի վերջին հարցազրույցը, ասաց «Ծառուկյան» դաշինքի պատգամավորի թեկնածու, ՀՀՇ վարչության նախագահ Արարատ Զուրաբյանը:
Հիշեցնենք, որ դաշինքը նախընտրական քարոզչությունն իրականացնում է Արցախյան հակամարտության լուծման փոխզիջումային տարբերակի՝ «Մադրիդյան սկզբունքների» իրագործման կարեւորության շեշտադրմամբ:
«ԼՂՀ-ն ի վիճակի է պաշտպանել իր անվտանգությունը, եւ միակողմանի զիջումների գնալը շատ վտանգավոր է: Միակողմանի զիջումների կոչերն Ադրբեջանում ոգեւորություն են առաջացնում: Դրանք հայկական կողմին դրական բան չեն տալիս: Արցախի ճակատագիրը պետք է որոշի Արցախի ժողովուրդը: Վերջինիս խնդիրն է՝ ո՞ր չափի զիջումների գնալ»,-համոզմունք հայտնեց Արարատ Զուրաբյանը:
Ի հակառակ «Կոնգրես-ՀԺԿ»-ականների պնդումների՝ Զուրաբյանը նկատում է, որ Ադրբեջանն իրականում պատրաստ չէ փոխզիջումների:
Կարդացեք նաև
Մեր զրուցակիցն անդրադարձավ նաեւ առաջին նախագահի այն բնորոշմանը, թե «Կոնգրես-ՀԺԿ» դաշինքից բացի՝ մյուս քաղաքական ուժերն Արցախի հարցում հստակ ծրագիր չունեն: «Այդպես չէ»,-չհամաձայնեց Արարատ Զուրաբյանը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
