ԱՎԾ-ն հրապարակել է 2016թ. Հայաստանում օտարերկրյա ներդրումների մասին վիճակագրական ոչ այնքան հուսադրող տվյալները։
Միանգամից ասենք՝ պատկերն առավել քան հիասթափեցնող է. ներդրումների ծավալները շարունակվում են նվազել։ Ըստ ԱՎԾ-ի՝ ուղղակի ներդրումների ծավալները 2016թ. ընթացքում կազմել են 62 մլրդ 679.3 մլն դրամ, մինչդեռ նախորդ տարի Հայաստանում իրականացվել է 69 մլրդ 426.8 մլն դրամի ուղղակի ներդրում։ Ասել է, թե մեկ տարվա ընթացքում ներդրումները նվազել են 6 մլրդ 747.6 մլն դրամով։
Բայց սա դեռ ամենը չէ. իրավիճակի լրջությունը երեւում է մեկ այլ իրողության ֆոնին. երկրները, որոնք տեւական ժամանակ համարվել են Հայաստանի հիմնական տնտեսական գործընկերը, այսօր դուրս են հանում իրենց կապիտալը։
Օրինակ՝ Ռուսաստանը նախորդ տարվա ընթացքում ոչ միայն պակասեցրել է ներդրումները, այլեւ Հայաստանից ռուսական կապիտալի արտահոսքը մեկ տարվա ընթացքում կազմել է 26.2 մլրդ դրամ՝ մոտ 55 մլն դոլար։
Կարդացեք նաև
Հայաստանից իր կապիտալը դուրս են բերել նաեւ Լիբանանը՝ 15.7 մլրդ դրամ, Իտալիան՝ 1.8 մլրդ դրամ, Հոլանդիան՝ 1.4 մլրդ դրամ։
Նախորդ տարվա ընթացքում ներդրումները նվազեցրել են մի շարք երկրներ, այն էլ բավական կտրուկ։ Արգենտինայից արված ներդրումները 2015թ. 12.5 մլրդ դրամի փոխարեն 2016թ. կազմել են 3.5 մլրդ, Շվեյցարիայի ներդրումները՝ 41 մլրդի փոխարեն 92.9 մլն դրամ, ԱՄՆ ներդրումները 8.2 մլրդից դարձել են 2.1 մլրդ դրամ։
Արման ԳԱԼՈՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
