Շնորհիվ մեծ քանակությամբ ֆոլաթթվի, առավել եւս խորհուրդ է տրվում օգտագործել հղի կանանց
Ծնեբեկը համարվում է գարնան ամենաօգտակար բույսերից մեկը: Այն պարունակում է կալիում, կալցիում, նատրիում, մագնեզիում, ֆոսֆոր, երկաթ, վիտամիններ` B1, B2, B9, C, E, A, PP: Շնորհիվ մեծ քանակությամբ ֆոլաթթվի (վիտամին B9), հղի կանանց առավել եւս խորհուրդ է տրվում օգտագործել ծնեբեկ: Խորհուրդ է տրվում նաեւ լյարդի, երիկամների հիվանդությունների, աղերի կուտակման ժամանակ օգտագործել: Իջեցնում է արյան բարձր ճնշումը, վերացնում է հոգնածությունը, կարգավորում է սրտի աշխատանքը:
Ժողովրդական բժշկության մեջ նրա թուրմը եւ արմատների եփուկը օգտագործում են որպես միզամուղ, միզապարկի բորբոքման, երիկամների եւ սրտի, աղերի կուտակման բուժման համար:
Ծնեբեկը հակացուցվում է ստամոքսի եւ 12-մատնյա աղիքի խոցի դեպքում:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
26,04.2017
