Հայաստանի արդարադատության նախարարությունը քննարկում է Գյումրիում Ավետիսյանների ընտանիքին սպանած Վալերի Պերյմակովի պատժի կրման վայրը փոխելու հարցը: Այս մասին գրում է «Ինտերֆաքսը»՝ վկայակոչելով Հայաստանի արդարադատության նախարարությանը:
«Վալերի Պերմյակովը դատապարտվել է թե՛ հայկական, թե՛ ռուսական դատարանների կողմից: Այս պահին քննարկվում է պատժի կրման վայրը կազմակերպելու հարցը»,- ասել են նախարարությունից:
Իր հերթին Պերմյակովի փաստաբան Էդուարդ Աղաջանյանը գործակալությանն ասել է, որ «տեսականորեն Պերմյակովը կարող է ուղարկվել Ռուսաստան»:
«Հստակ տվյալներ առայժմ չկան: Բայց կարող է հաշվի առնվել այն հանգամանքը, որ հայկական դատարանի կողմից գործը քննելու դեպքում նա արդեն կարող է դատապարտվել ռուսական դատարանի կողմից»,- ասել է փաստաբանը:
Կարդացեք նաև
Նրա խոսքով՝ տուժած կողմի վերաքննիչ բողոքը մերժվել է, և այժմ վերջնականորեն պետք է լուծվի պատժի կրման վայրի հարցը:
Պատրաստեց Վիկտորյա ԱՆԴՐԵԱՍՅԱՆԸ
