Սննդամթերքի անվտանգության պետական ծառայությունը շուկայում հայտնաբերված վտանգավոր թռչնամսի ահազանգի հետքերով վերջերս ստուգել է 16 ներկրող ընկերությունների. արձանագրվել են խախտումներ, եղել են արտադրության կասեցումներ, իսկ շուկայից հանվել են թռչնամսի վտանգավոր խմբաքանակները: Այս մասին այսօր լրագրողների հետ հանդիպմանը հայտնեց ՍԱՊԾ պետ Իշխան Կարապետյանը՝ հավելելով, որ մշտադիտարկումներն այսօր էլ շարունակվում են:
Կարապետյանը նշեց. «ԵԱՏՄ-ից ներկրվող բեռների վերահսկողությունն արվում է փաստաթղթային ուսումնասիրության շրջանակում. եթե իրացման ցանցերում ահազանգ է լինում, խախտումը բացահայտվում է»: Առհասարակ, ՍԱՊԾ պետի խոսքով, երրորդ երկրներից ներկրված ապրանքների 90-ը համարվում է ռիսկային եւ ստուգվում է:
Իսկ ահա թռչնամիս արտադրող տեղական ընկերություններում վերահսկողությունն այսօր էլ իրականացվում է, արդյունքներն էլ առաջիկայում պարզ կլինեն:
Լուիզա ՍՈՒՔԻԱՍՅԱՆ
