2016թ ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամների գործով հերթական դատական նիստում այսօր ամբաստանյալների պաշտպաններից փաստաբան Արմինե Ֆանյանը դատավոր Մեսրոպ Մակյանին կրկին ներկայացրեց խմբի անդամներից Արմեն Բիլյանի առողջական վիճակի խնդիրը:
Հիշեցնենք, որ Արմեն Բիլյանը դեկտեմբերի 19-ից հացադուլի մեջ է եւ պահանջում է իրեն «Նուբարաշեն» քրեակատարողական հիմնարկից տեղափոխել «Արմավիր» ՔԿՀ, քանի որ իրեն պատշաճ բուժօգնություն չեն ցուցաբերում:
Արմինե Ֆանյանը դատավորին տեղեկացրեց, որ «Նուբարաշեն» ՔԿՀ-ից ստացված գրություններից մեկի համաձայն՝ բուժօգնության մակարդակը պատշաճ է, իսկ մյուսի համաձայն՝ տեղափոխության հարցը պետք է որոշի դատավորը:
Այնուհետեւ Արմեն Բիլյանի ինքնազգացողությունը վատացավ եւ նիստը ընդմիջվեց մինչեւ ժամը 14.00:
Լուիզա ՍՈՒՔԻԱՍՅԱՆ
