Այսօր Երեւանի ընդհանուր իրավասության դատարանում՝ Ավան և Նոր Նորք վարչական շրջանների նստավայրում, «Սարի թաղի» գործի կասեցման դեմ «Խոսքի ազատության պաշտպանության կոմիտեի» աջակցությամբ պատրաստված՝ լրագրողների բողոքի գործով դատական նիստն էր: ԽԱՊԿ-ը ներկայացնում է լրագրողներ Մարիամ Գրիգորյանի, Գեւորգ Ղազարյանի շահը դատարանում:
Դատական նիստին դատավոր Հարություն Մանուկյանն ասաց, որ այս գործով դատախազը, որը Հատկապես կարեւոր գործերով քննության նկատմամբ հսկողության վարչության դատախազ Վարդգես Սարգսյանն է, իր ընկերն է, մտերմիկ հարաբերություններ ունեն. «Սովորել ենք միեւնույն բուհում, աշխատել ենք իրար հետ, ընկերական հարաբերությունների մեջ ենք: Դատարանը չնայած կաշկանդվածություն չունի սույն գործով քննելու, բայց հաջորդ նիստին լսենք դատախազի տեսակետը այս մասին»: Նա փորձեց լսել կողմերի դիրքորոշումները:
Լրագրողների շահերի պաշտպան Կարեն Տոնոյանը լրագրողների հետ զրույցում ասաց, որ կքննարկեն դատավորի տեղեկությունը եւ կորոշեն՝ բացարկ հայտնե՞ն նրան, թե՞ ոչ: Տոնոյանը նաեւ ասաց, որ ՀՔԾ-ն այս գործով անգործություն է դրսեւորել:
Մանրամասները՝ ավելի ուշ տեսանյութում:
Հռիփսիմե ՋԵԲԵՋՅԱՆ
