Հունվարի 28-ին բանակի տարեդարձին նվիրված միջոցառում է կայացել Նոյեմբերյանի տարածաշրջանում տեղակայված զորամասում:
Կայացել է զինվորական շքերթ:
Օրվա խորհրդին հարիր ելույթ են ունեցել զորամասի հրամանատարության ներկայացուցիչները, Նոյեմբերյանի տարածաշրջանի հոգեւոր հովիվ Տեր Սմբատ քահանա Աբրահամյանը, գրող ազատամարտի վետերան Սամվել Բեգլարյանը, ազատամարտի վետերան Մելիք Մելիքյանը, Բաղանիս գյուղի վարչական ղեկավար Նարեկ Սահակյանը ու ուրիշներ: Միջոցառմանը մասնակցել է նաեւ Նոյեմբերյան համայնքի ղեկավար Կարեն Աբազյանը:
Ելույթ են ունեցել Նոյեմբերյան քաղաքի «Սոսե» եւ «Վերածնունդ» պարային համույթները., Նոյեմբերյան համայնքի մեջ ընդգրկված սահմանամերձ գյուղերի պարային համույթները, հնչել է երգ, ասմունք: Շուրջ 2 ժամ տեւած տոնական միջոցառումը բարձր տրամադրություն է պարգեւել ներկաներին:
Ոսկան ՍԱՐԳՍՅԱՆ
