Աջափնյակ և Դավիթաշեն վարչական շրջանների ընդհանուր իրավասության դատարանի ապակին, ըստ ականատեսների, ցուցարարները չեն կոտրել։ Aravot.am-ի հետ զրույցում դատարանի մուտքի դուռը փակած Հովսեփ Աղազարյանը պատմեց, որ մի քաղաքացի, ձեռքին տոպրակներ, մոտեցել է ու խնդրել ներս մտնել։
Երբ նրան թույլ չեն տվել մտնել, քաղաքացին խնդրել է պատուհանով ձեռքի տոպրակները փոխանցել կարգադրիչներին։ Երբ պատուհանը բացել են, քաղաքացին փորձել է ներս մտնել պատուհանով, այս ընթացքում ցուցարարները բռնել են, որպեսզի մուտքը խոչընդոտեն։ Կարգադրիչը փորձել է ուժ գործադրելով պատուհանը փակել, ու այս ընթացքում էլ ապակուն հարված է հասցվել։
Ի դեպ, մենք նկատեցինք, որ կոտրվել է պատուհանի ներսի ապակին, այլ ոչ թե դրսի։ Իսկ ներսում ցուցարարներ չեն եղել։
Պատուհանից ներս մտնողն, ըստ ցուցարարների, դատավոր է։ Հովսեփ Աղազարյանն ասաց, որ կոտրված ապակին բացառապես ներսի աշխատակցի պատասխանատվության վրա է։
Մանրամասն ՝ տեսանյութում
Նելլի ԲԱԲԱՅԱՆ
